,,ნაციონალური მოძრაობა" რუსეთის პრეზიდენტის ვლადიმერ პუტინის პრესსამსახურის მიერ გავრცელებულ განცხადებას აფასებს და იმედს გამოთქვამს, რომ სოჭში მარგველაშვილისა და პუტინის შეხვედრა არ შედგება.
,, ვიმედოვნებთ, რომ სოჭში მარგველაშვილისა და პუტინის შეხვედრა არ შედგება და ის პოზიცია, რომელიც გამოცხადეს გადათქმული არ იქნება", _განაცხადა ,,ნაცმოძრაობის" წევრმა გიორგი გაბაშვილმა.
შეგახსენებთ, რომ რუსეთის პრეზიდენტის ვლადიმერ პუტინის პრესსამსახურის უფროსი დიმიტრი პესკოვი აცხადებს, რომ არ არის გამორიცხული, სოჭის ოლიმპიადის ფარგლებში ვლადიმერ პუტინი საქართველოს პრეზიდენტს გიორგი მარგველაშვილს შეხვდეს. ინფორმაციას ამის შესახებ სააგენტო „ინტერფაქსი" ავრცელებს.
„ეს გამორიცხული არ არის. ის ხომ ჩვენი სტუმარია", _ განაცხადა პესკოვმა კითხვაზე პასუხის გაცემისას შესაძლოა თუ არა ამგვარი შეხვედრა შედგეს.
