პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ამ ეტაპზე რუსეთის პრეზიდენტის პრესსამსახურის განცხადებაზე კომენტარისგან თავს იკავებს. როგორც ,,ჯი-ეიჩ-ენთან" საუბარში აბაშიძემ განაცხადა ის გავრცელებულ ინფორმაციაში კარგად გაარკვევა და ოფიციალურ განცხადებას მხოლოდ მას შემდეგ გააკეთებს.
შეგახსენებთ, რომ რუსეთის პრეზიდენტის ვლადიმერ პუტინის პრესსამსახურის უფროსი დიმიტრი პესკოვი აცხადებს, რომ არ არის გამორიცხული, სოჭის ოლიმპიადის ფარგლებში ვლადიმერ პუტინი საქართველოს პრეზიდენტს გიორგი მარგველაშვილს შეხვდეს. ინფორმაციას ამის შესახებ სააგენტო „ინტერფაქსი" ავრცელებს.
„ეს გამორიცხული არ არის. ის ხომ ჩვენი სტუმარია", _ განაცხადა პესკოვმა კითხვაზე პასუხის გაცემისას შესაძლოა თუ არა ამგვარი შეხვედრა შედგეს.
