საქართველოს პრემიერ-მინისტრი ირაკლი ღარიბაშვილი ევროსაბჭოს გენერალურმა მდივანს, ტორბიორნ იაგლანდს შეხვდა. შეხვედრა მთავრობის კანცელარიაში გაიმართა. პრემიერ-მინისტრმა ირაკლი ღარიბაშვილმა მადლობა გადაუხადა სტუმარს სამოქმედო გეგმის შემუშავებაში შეტანილი წვლილისთვის.
მხარეებმა საქართველოსა და ევროპის საბჭოს ინტენსიურ თანამშრომლობაზე და სამოქმედო გეგმის ფარგლებში განსახორციელებელ ამოცანებზე იმსჯელეს. მათ შორის, საუბარი შეეხო თვითმმართველობის რეფორმას, ადამიანის უფლებების, კანონის უზენაესობისა და დემოკრატიის კუთხით არსებულ მდგომარეობას და სამომავლო გეგმებს.
იგი საფუძველს უყრის შეთანხმებულ პრიორიტეტულ სფეროებში, რომელთა შორის აღსანიშნავია ადამიანის უფლებათა დაცვა და ხელშეწყობა ადამიანის უფლებათა ევროპული კონვენციის საფუძველზე, სასამართლოს დამოუკიდებლობისა და ეფექტიანობის განმტკიცება, სისხლის სამართლის რეფორმის მხარდაჭერა, ადგილობრივი დემოკრატიისა და თვითმმართველობის რეფორმის გაძლიერება.
შეხვედრაზე გამოითქვა შეშფოთება ე.წ. სასაზღვრო ზოლის დროებითი გაფართოებისა და მავთულხლართების აღმართვის პროცესის გამო.
მასალის გამოყენების პირობები
