ესტონეთის საგარეო საქმეთა სამინისტრო სოჭის ოლიმპიურ თამაშებთან დაკავშირებით გამოქვეყნებულ გზამკვლევში, ესტონეთის მოქალაქეებს აფხაზეთსა და სამხრეთ ოსეთში ჩასვლისგან თავის შეკავებას ურჩევს. ესტონეთის საგარეო უწყება მოქალაქეებს აფრთხილებს, რომ საქართველოს მთავრობის ნებართვის გარეშე ამ ტერიტორიებზე ყოფნა უკანონო და დასჯადია.
„აფხაზეთსა და ოსეთში არალეგალური შესვლა (რუსეთის საზღვრიდან) სისხლის სამართლის დანაშაულია. ესტონეთის საგარეო საქმეთა სამინისტრო განმარტავს, რომ აფხაზეთი და სამხრეთ ოსეთი ოკუპირებული ტერიტორიებია და ისინი საქართველოს განუყოფელ ნაწილს წარმოადგენენ. აქედან გამომდინარე, ყველა უცხოელი ვალდებულია საქართველოს კანონმდებლობის შესაბამისად ზემოხსენებულ ტერიტორიებზე შესვლისა და ყოფნის ნებართვა მიიღოს"-ნათქვამია ესტონეთის სააგრეო საქმეთა სამინისტროს გზამკვლევში.
