ნატოს სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ,,საზოგადოებრივი მაუწყებლისთვის" მიცემულ ინტერვიუში აცხადებს, რომ საქართველოს მთავრობის მხრიდან მონდომება ოლიმპიადაში მონაწილეობის შესახებ კარგი გადაწყვეტილება იყო.
აპატურაიმ კიდევ ერთხელ დაადასტურა ჩრდილო ატლანტიკური ალიანსის მხარდაჭერა საქართველოს მიმართ გახდეს ნატოს წევრი.
,, რა თქმა უნდა, სპორტი ყოველთვის არის შესაძლებლობა რომ პოლიტიკას გასცდე. იმ ქვეყნების წარმომადგენლებისთვის, რომელიც როგორც წესი დიპლომატიისა, ან სამხედრო სფეროში არ თანამშრომლობენ ეს შეხვედრის შესაძლებლობაა. ჩვენი მხარდაჭერა საქართველოს მიმართ რჩება ძლიერი. ის ფაქტი რომ ნატოს სამხედრო კომიტეტი საქართველოს ეწვევა ზუსტად სოჭის ოლიმპიადის დროს, შესაძლოა ამაში უშუალოდ სოჭის ოლიმპიადისადმი პირდაპირი გზავნილი არ დევს, მაგრამ ეს ნამდვილად არის გზავნილი რომ საქართველოს მხარს ვუჭერეთ და ეს არ შეიცვლება. თუ საქართველოს ოლიმპიადაში მონაწილეობა იძლევა იმის შესაძლებლობას, რომ ქართველებმა და რუსებმა უკეთ გაუგონ ერთმანეთს, ეს ყველასთვის სასარგებლოა. ვფიქრობ, საქართველოს მთავრობის მხრიდან მონდომება ოლიმპიადაში მონაწილეობის შესახებ კარგი გადაწყვეტილება იყო", _განაცხადა აპატურაიმ, რომელმაც ქართველ სპორტსმენებს სოჭის ოლიომპიადაზე წარმატება უსურვა.
