26 მაისის საქმეზე ,,დემოკრატიული მოძრაობის" ნინო ბურჯანაძის ჩვენებას უშიშროების საბჭოს ყოფილი მდივანი გიგა ბოკერია სიბრიყვით სავსე პოლიტიკურ ლექციად აფასებს.
,,არანაირი სიურპრიზი არ იყო იმ ადამიანებისთვის ვინც საღად აზროვნებს, ბურჯანაძის განცხადებები. ეს იყო სიბრიყვით სავსე პოლიტიკური ლექცია ადამიანისა, რომელიც ღიად შეეკრა საქართველოს მტრებს. ყველა მისი ნაბიჯი მიმართული იყო ძალადობისა და სისხლისღვრისკენ. მან ყველა შესაძლებლობა, რომ ძალადობა აეცილებინა თავიდან, არა თუ არ გამოიყენა, არამედ ხელი შეუწყო მას", - განაცხადა ბოკერიამ.
შეგახსენებთ, რომ ნინო ბურჯანაძემ 2011 წლის 26 მაისის მოვლენებზე საქალაქო სასამართლოში დღეს ისაუბრა. როგორც ნინო ბურჯანაძემ განაცხადა 26 მაისის საქმეზე ბრალდებული არა მხოლოდ ვანო მერაბიშვილი, არამედ მიხეილ სააკაშვილიც უნდა იყოს.
