მიუნხენში ვიზიტით მყოფმა საქართველოს პრემიერ-მინისტრმა შეხვედრა გამართა საგარეო და უსაფრთხოების საკითხებში გერმანიის ფედერალური კანცლერის მრჩეველთან, კრისტოფ ჰოისგენთან.
პრემიერის პრესსამსახურის ინფორმაციით, შეხვედრაზე აღინიშნა, რომ გერმანია, როგორც ნატო-ს და ევროკავშირის წევრი, უმნიშვნელოვანესი ქვეყანაა საქართველოსთვის. ამასთან ხაზი გაესვა ორმხრივ დიპლომატიურ ურთიერთობებში გერმანიის განსაკუთრებულ როლს.
საუბარი შეეხო ქართულ-რუსულ ურთიერთობებს და ოკუპირებულ რეგიონებში არსებულ ვითარებას.
შეხვედრას საქართველოს საგარეო საქმეთა მინისტრი მაია ფანჯიკიძეც დაესწრო.
