რუსეთის პრეზიდენტის მრჩეველი რეგიონალური ეკონომიკური ინტეგრაციის საკითხებში სერგე გლაზნევი მიიჩნევს, რომ პოლონური წარმოშობის ამერიკელი ექსპერტი ზბიგნევ ბზეჟინსკი რუსოფობიის უკიდურესი ფორმითაა დაავადებული და მისი ადგილი ფსიქიატრიულ საავადმყოფოშია, ამერიკელ პოლიტიკოსთა წარმოდგენა კი უკრაინის მოვლენებზე დამახინჯებული და პრიმიტიული. განცხადებები ამის შესახებ გლაზნევმა ჟურნალ „გაზპრომი"-სათვის მიცემულ ინტერვიუში გააკეთა.
„საღი აზრიდან გამომდინარე მართლაც ჩნდება ასეთი კითხვა, რისთვის ხარჯავენ ამერიკელები ასეთ თანხას რუსოფობიის პროპაგანდისათვის. თქვენ რომ წაიკითხოთ, ვთქვათ ბზეჟინსკის წიგნები ამ თვალსაზრისის აზრი გასაგები გახდება.
ადამიანი რუსოფობიის უკიდურესი ფორმითაა დაავადებული და ჩემი აზრით მისი ადგილი კაშენკოს (ასე უწოდებენ არაოფიციალურად მოსკოვის ფსიქიატრიულ საავადმყოფოს) საავადმყოფოშია, მაგრამ 1990 წლებში ის თითქმის კრემლში მიიღეს", _ განაცხადა გლაზნევმა.
მისივე თქმით, ბზეჟინსკის წიგნში გადმოცემული იდეები უკანასკნელ როლს როდი თამაშობენ აშშ-ს საგარეო პოლიტიკური კურსის ჩამოყალიბებაში და არის მისაბაძი მაგალითი მრავალი ამერიკელი პოლიტიკოსისთვის.
„საკმარისია გავიხსენოთ ქალბატონი ნულანდის ბოლო გამოსვლა მაიდანზე. როგორი სიძულვილი იყო რუსეთის მიმართ, როგორი ღვარძლი, როგორი შანტაჟი უკრაინელი მაღალჩინოსნებისა და მსხვილი ბიზნესმენების მიმართ, რომლებსაც ის სანქციებით და ლამის ქონების ჩამორთმევით ემუქრებოდა", _ აცხადებს რუსეთის პრეზიდენტის მრჩეველი.
ის დარწმუნებულია, რომ აშკარა პროპაგანდას თან ერთვის გააზრებული დამახინჯება მოვლენებისა, ხშირად კი საერთოდ ამბის გაუგებრობა.
„ახლახანს იალტაში ამერიკელ პოლიტიკოსებთან დისკუსია მომიხდა და მე გაოცებული ვიყავი იმით თუ რამდენად დამახინჯებული და ერთდროულად პრომიტიული იყო მათი გამონათქვამები უკრაინის შესახებ. მათ შორის იყო ჰილარი კლინტონიც.
მან გამოაცხადა, რომ საბაჟო კავშირი საბჭოთა კავშირის აღდგენაა, ამიტომაც უკრაინისათვის არავითარ შემთხვევაში არ შეიძლება მასში მონაწილეობის მიღება, რა რა თქმა უნდა სისულელეა. შემდეგ უკვე მან საერთოდ გასაოცარი რამ განაცხადა, რომ უკრაინის კონკურენტული უპირატესობა არის ფიქალის გაზი და შოკოლადი, ანუ ადამიანმა საერთოდ ვერ გაიგო თუ რა ქვეყანაში იყო ჩამოსული და რა იწარმოება იქ",_ განაცხადა გლაზნევმა.
მან აღნიშნა, რომ ასეთი აზროვნებისა და გაგების ადამიანები მილიარდებს ხარჯავენ იმისათვის, რომ ქვეყნებსა და ხალხებს შორის შუღლი დათესონ.
შეგახსენებთ, რომ რამდენიმე დღის წინ 28 აინვარს ბზეჟინსკიმ „ტვიტერში" თავის გვერდზე დაწერა: რუსებო გამოიღვიძეთ! რუსეთის მიერ მხარდაჭერილი რეპრესიები უკრაინაში საბოლოო ჯამში თავად რუსეთს მიიყვას კატასტროფამდე".