თბილისის მერი გიგი უგულავა სტრასბურგში იმყოფებოდა და ევროსაბჭოში შეხვედრებს მართავს. თბილისის უფლებამოსილება შეჩერებული მერი სიტყვით ევროსაბჭოს საპარლამენტო ასამბელის ევროპის სახალხო პარტიის (EPP) ჯგუფის შეხვედრაზე სიტყვით გამოვიდა. გიგი უგულავამ პოსტსაბჭოთა ქვეყნებზე რუსეთის გავლენების მოპოვების საფრთხეებზე ისაუბრა და იმედი გამოთქვა. რომ ევროკავშირი დაიცავს უკრაინელი ხალხის დემოკრატიულ და ევროპულ არჩევანს. უგულავამ საქართველოში ანტიდასავლური ძალების გაძლიერების შესახებაც ისაუბრა.
"ერთ-ერთი მნიშვნელოვანი სახიფათო ტენდენციაა ანტიდასავლური რადიკალური ჯგუფების გაძლიერება, რომელთა იდეოლოგია ხშირად პირდაპირ კავშირშია მმართველი კოალიციის ბირთვთან. ქართული ოცნების კოალიციის ძირითადი ბირთვია - არა რესპუბლიკელები ან თავისუფალი დემოკრატები, რომლებიც ხშირად აქ იმყოფებიან და რომელთა გავლენაც მათ პოლიტიკურ გუნდში მინიმალურია, არამედ ადამიანები რომლებიც ცნობილნი არიან საუკეთესო შემთხვევაში, სკეპტიციზმით დასავლეთის მიმართ ანაც ანტიდასავლური ქსენოფობიური განწყობებითა და სიძულვილის ენით უარეს შემთხვევაში. ამ ერთი წლის განმავლობაში ჩვენ გავხდით სხვადასხვა უმცირესობების - ეთნიკური, რელიგიური და სხხვა ჯგუფების მიმართ ძალადობის მოწმე. ყველა ეს ძალადობრივი აქტი განმეორებითად ჩადენილ იქნა იმ ლიდერების მიერ, რომელთა წახალისებაც რეგულარულად ხდებოდა ქართული ოცნების ლიდერების მხრიდან. ამჟამად ამ ძალების შეკავება ხდება პროდასავლური ოპოზიციის - ერთიანი ნაციონალური მოძრაობისა და საზოგადოებრივი აზრის მიერ. ნაციონალური მოძრაობის განადგურების შემთხვევაში, რაც წარმოადგენს ქართული ოცნების საჯაროდ დეკლარირებულ მიზანს, ამ ჯგუფების გავლენა კიდევ უფრო გაძლიერდება", - განაცხადა გიგი უგულავამ.
მისივე თქმით, ვარდების რევოლუციის შემდეგ განხორციელებული რადიკალური რეფორმების შედეგად, საქართველომ თითქმის შეძლო პუტინის პარადიგმის გაქარწყლება და დღეს მისი გუნდი მოელის მეგობრებისგან, რომ დაეხმარონ საქართველოს მისი დემოკრატიული მიღწევების შენარჩუნებაში, რომელთაც დღეს სერიოზული საფრთხე ემუქრება.
მასალის გამოყენების პირობები
