საკრებულოს წევრები კახა კუკავა და მამუკა კაციტაძე თბილისის მერის მოადგილეს პაპუნა პეტრიაშვილს შეხვდნენ და 2014 წლის ბიუჯეტის პროექტთან დაკავშირებით საკუთარი მოსაზრებები გააცნეს.
თბილისის საკრებულოს ინფორმაციით, „თავისუფალი საქართველოს" და „ახალი მემარჯვენეების" წარმომადგენელთა განმარტებით, ბიუჯეტი, პირველ რიგში, თბილისელების პრობლემების მოგარებაზე უნდა იყოს ორიენტირებული.
ადგილობრივი თვითმმართველობის რეფორმების კომისიის თავმჯდომარის განცხადებით, შეხვედრა, რომელიც საქმიან ვითარებში წარიმართა, საჭირო და აუცილებელი იყო.
მისივე თქმით, დღევანდელ შეხვედრაზე ორი მნიშვნელოვანი საკითხი ფაქტიურად გადაწყდა. ესენია:განსაკუთრებით გაჭირვებულთა თავშესაფრებისთვის დამატებითი თანხების გამოყოფა და ამასთან, ეკონომიკის განვითარების კუთხით მუნიციპალური საწარმოების იაფი კრედიტით დაფინანსება და მეორე, დამატებითი სამუშაო ადგილების შექმნა.
მამუკა კაციტაძემ ასევე ბიუჯეტის ერთ-ერთ პრობლემაზე, მის ბუნდოვანებაზე ისაუბრა და აღნიშნა, რომ ამასთან დაკავშირებით მათ იმ 55 მილიონის მაქსიმალურად ჩაშლის დაპირება მიიღეს, რომლიც 2014 წლის ბიუჯეტში წინა წლიდან გადმოვიდა. ასევე დეტალიზებული იქნება ე.წ. სხვა ხარჯების მუხლიც.
"არის ზოგიერთი ისეთი საკითხი, რომელიც დამატებით შეხვედრებს მოითხოვს. მათ შორის-რეპრივატიზაციის თემა, სამივლინებო და ასევე ძველი თბილისის განვითარებასთან დაკავშირებული საკითხები.
მსგავსი ტიპის შეხვედრები საშუალებას მოგვცემს, რომ 2014 წლის ბიუჯეტი თბილისელებსა და საქმეზე იქნას ორიენტირებული, რა თქმა უნდა, რომ თუ დედაქალაქში ცენტრალური მმართველობის შემოღებისა ან ერთი პიროვინების მიერ ქალაქის კონტროლის პილიტიკური ნება არ იქნება მიღებული'',-განაცხადა მამუკა კაციტაძემ.
იმ საკითხების გარდა, რომელზეც დღევანდელ სხდომაზე მოხდა შეჯერება, საკრებულოს ადამიანის უფლებათა დაცვისა და საზოგადოებასთან ურთიერთობის კომისიის თავმჯდომარემ იმ პრობლემებზეც ისაუბრა, რომლის გადაწყვეტაც განსხვავებული პოზიციის გამო ამ ეტაპზე ვერ მოხერხდა.
"სამწუხაროდ, პოლიკნინიკების თემასთან დაკავშირებით არანაირი შეთანხმება არაა მიღწეული. არსებითად მერიას ჩვენგან პრინციპულად განსხვავებული პოზიცია აქვს.ასევე არ არის დაზუსტებული ციფრი სამივლინებო ხარჯებთან დაკავშირებითაც'',-განაცხადა კუკავამ, რომელმაც მთავრობის იმ დადგენილების თაობაზეც ისაუბრა, რომლის თანახმადაც, სამეთვალყურეო საბჭოების გაუქმების გადაწყვეტილება იქნა მიღებული.
"რაც შეეხება იაფ კრედიტს, ვფიქრობ, ეს ყველაზე დიდი წარმატებაა'',-მიიჩნევს დეპუტატი და აღნიშნავს, რომ პრინციპულად განსხვავებული პოზიცია პოლიკლინიკების რეპრივატიზაციასთან დაკავშირებით ფიქსირდება.
მისი აზრით, სახელმწიფო ფულით აშენებული სკოლები, საავადმყოფოები და პოლიკლინიკები ჩალის ფასად ოლიგარქების ხელში არ უნდა ვარდებოდეს.
შეხვედრა თბილისის მერი მოადგილემ დადებითად შესაფასა და აღნიშნა, რომ დღევანდელ შეხვედრაზე შეთანხმება რამდენიმე საკითხთან დაკავშირებით იქნა მიღწეული.
"რა თქმა უნდა, მათი მოთხოვნა ბევრად მეტი იყო, თუმცა, ჩვენ მოვახერხეთ ისეთი საკითხების დაფინანსებისთვის მიგვეღწია, რომელთა განხორციელება ბიუჯეტის პროექტში უკვე არსებული პროგრამების შესრულებას ხელს არ შეუშლის. მე შემიძლია ვთქვა, რომ მათი მოთხოვნები ძირითადად უკავშირდებოდა ბიუჯეტში არსებული პროგრამების ზრდას. გადავწყვიტეთ, რომ მეტი რესურსი მიიმართება უსახლკაროთა სახლების შექმნასა და კეთილომწყობაზე.ვფიქრობთ, რომ მსგავსი ტიპის შეხვედრებს კვლავაც გავაგრძელებთ'',-განაცხადა პაპუნა პეტრიაშვილმა.
მხარეების განცხადებით, ანალოგიური შეხვედრები მომავალშიც გაგრძელდება.
