ლარის კურსის ოდნავმა გაუფასურებამ ბენზინის ფასის პროპორციული ზრდა არ უნდა გამოიწვიოს, მიიჩნევს ფინანსთა მინისტრი ნოდარ ხადური.
მინისტრის განმარტებით, მსოფლიო ბაზარზე დოლარის კურსის მატებასთან ერთად, ყველა ვალუტა წონას კარგავს.
„ქართულმა ლარმაც შეასუსტა პოზიციები, დაახლოებით 8%-ით, სხვა ქვეყნებში კი სამწუხაროდ თუ საბედნიეროდ ვარდნა 20-40-50%-იც არის. როგორც ჩანს ჩვენთან სიტუაცია ნორმალურია. ძალიან ბევრი ანალიზის შემდეგ მივედით დასკვნამდე რომ სერიოზულ ცვლილებებს არ უნდა ველოდოთ. რაც შეეხება ბენზინის ფასს, ეს მსოფლიოში ორი მიმართულებით მიდის, ნავთობის და დოლარის მიმართულებით. მათ შორის პირდაპირი კავშირი არ არის. ნავთობი არ ძვირდება. შესაბამისად ლარის კურსის ოდნავმა გაუფასურებამ ბენზინის ფასის პროპორციული ზრდა არ უნდა გამოიწვიოს. შეიძლება ოდნავ გამოიწვიოს მაგრამ ეს არ უნდა იყოს პროპორციული"-აღნიშნა ხადურმა