ისრაელში ვიზიტით მყოფმა საქართველოს პრემიერ-მინისტრმა, ქართული დელეგაციის წევრებთან ერთად, იერუსალიმის ძველი ქალაქი დაათვალიერა და გოდების კედელი მოინახულა.
ღარიბაშვილი ისრაელის სახელმწიფოს 27 იანვარს ეწვია. ვიზიტის ფარგლებში საქართველოს პრემიერ-მინისტრმა გამართა მაღალი დონის შეხვედრები. ასევე, საქართველოს დელეგაციამ, პრემიერ-მინისტრის ხელმძღვანელობით, მონაწილეობა მიიღო საქართველო-ისრაელის მთავრობათაშორისი ერთობლივი ეკონომიკური კომისიის დამფუძნებელ მემორანდუმზე ხელმოწერის ცერემონიალში.
ირაკლი ღარიბაშვილი ისრაელიდან მიუნხენში გაემგზავრება.
