საქართველოს საპარლამენტო დელეგაცია, სტრასბურგში გაემგზავრა სადაც ევროსაბჭოს საპარლამენტო ასამბლეის სესიაში მიიღებს მონაწილეობას.
ათკაციან დელეგაციაში საპარლამენტო უმცირესობისა და უმრავლესობის წევრები შედიან.
სესიის მთავარი თემა, უკრაინაში განვითარებული პროცესები იქნება.
სესიაზე ასევე იმსჯელებენ მაგნიტსკის სიასთან დაკავშირებით და ასევე ევროპაში მიმდინარე მიგრაციაზე.
სესიაზე ევროსაბჭოს საპარლამენტო ასამბლეის ახალ პრეზიდენტსაც აირჩევენ.
„ამჟერად, რა თქმა უნდა, მთავარი საკითხი უკრაინაში განვითარებული მოვლენები იქნება. ალბათ ამას ჩვენ საგანგებო სხდომაზე განვიხილავთ. მოგეხსენებათ დელეგაციაში შედიან, უმრავლესობის და უმცირესობის წარმომადგენლები და ჩვენ ტრადიციულად, მიუხედავად პოლიტიკური შეხედულებების განსხვავებულობისა, მაინც ვმუშაობთ როგორც ერთი გუნდი"- განაცხადა ევროპის საბჭოს საპარლამენტო ასამბლეაში მუდმივმოქმედმა საპარლამენტო დელეგაციის ხელმძღვანელმა თედო ჯაფარიძემ.
