უკრაინის პრეზიდენტმა ვიქტორ იანუკოვიჩმა პარტია „ბატკივშინას" ლიდერს არსენი იაცენიუკს ქვეყნის პრემიერ-მინისტრის, ხოლო პარტია „უდარის" ლიდერს ვიტალი კლიჩკოს კი ჰუმანიტარულ საკითხებში ვიცე პრემიერის პოსტები შესთავაზა. ამის შესახებ იუსტიციის მინისტრმა ელენა ლუკაშმა პრეზიდენტისა და ოპოზიციის ლიდერების შეხვედრის შემდეგ განაცხადა.
იანუკოვიჩი ასევე დათანხმდა კონსტიტუციის შეცვლას და ამ მიზნით სამუშაო ჯგუფის შექმნის წინადადება წამოაყენა.
მისი თქმით, თუ იაცენიუკი დათანხმდება შეღავაზებას პრეზიდენტი მზად არის მთავრობა სრული შემადგენლობით დაითხოვოს.
მისიტრის თქმით, პრეზიდენტმა კიდევ ერთხელ გამოხატა მწუხარება ყველა ტრაგიკულ შემთხვევასთან დაკავშირებით და აღნიშნა, რომ გმობს რადიკალურ მოქმედებებს.
პრეზიდენტისა და ოპოზიციის ლიდერების შეხვედრა სამ საათი გაგრძელდა.
მასალის გამოყენების პირობები
