უკრაინის თავდაცვისა და ნაციონალური უსაფრთხოების მდივანი ანდრეი კლიუევი აცხადებს, რომ პარტია „უდარის" ხელმძღვანელი, ოპოზიციონერი ვიტალი კლიჩკო ხელისუფლებასთან კრიზისის დარეგულირების შესახებ მოლაპარაკებათა პროცესს გამოეთიშა.
„კონსტრუქციული საუბარი არ ედგა. კლიჩკომ განაცხადა, რომ ის მოლაპრაკებათა პროცესიდან გადის",_ განაცხადა კლიუევმა და კლიჩკოს მოუწოდა დაუბრუნდეს მოლაპარაკებებისა და კონსულტაციების პროცესს.
შეგახსენებთ, რომ ვიტალი კლიჩკო პრეზიდენტ ვიქტორ იანუკოვიჩს ვერ შეხვდა. პარტია „უდარის"პრესსამსახურის ინფორმაციით, გავრცელებული ინფორმაციის თანახმად კლიჩკო თავდაცვისა და ნაციონალური უსაფრთხოების მდივანს ანდრეი კლიუევს, პრეზიდენტის მრჩეველს ანდრეი პორტნოის და იუსტიციის მინისტრს ელენა ლუკაშს შეხვდა.
„მათ მითხრეს, რომ პრეზიდენტი დამირეკავს როდესაც განთავისუფლდება. მე გრუშევსკის ქუჩაზე წავედი, სადაც სასულიერო პორები წინააღმდეგობის გაჩაღებას აკავებენ",_ განაცხადა კლიჩკომ.
მან აღნიშნა, რომ პრეზიდენტთან იმის მოსათხოვნად მივიდა, რომ შეწყდეს ძალადობის ესკალაცია და გადაიდგას ნაბიჯები მწვავე პოლიტიკური კრიზისის დასარეგულირებლად. „მას კი თათბირი აქვს. ორი დღეღამეა კიევის ცენტრი იწვის, პრეზიენტი კი რამდენიმე კვარტალში ზის და ამას ვერ ამჩნევს", _ აცხადებს კლიჩკო.