ვიცე-პრემიერის კახა კალაძის განცხადებით, თავდაცვის ყოფილი მინისტრის დავით კეზერაშვილის საქმეს ბევრი სიბინძურე უკავშირდება. როგორც საკითხის კომენტირებისას კალაძემ მთავრობის სხდომის დაწყებამდე განმარტა სწორედ ამიტომ ,,ნაცმოძრაობას" არ სურს, რომ კეზერაშვილის საქართველოში ექსტრადიცია მოხდეს.
"ნაციონალური მოძრაობის" გააქტიურებას და შეშფოთებას იმასთან დაკავშირებით, რომ საქართველოში კეზერაშვილის ექსტრადიცია არ მოხდეს, მე მგონი, ახსნა არ სჭირდება. კეზერაშვილი სააკაშვილთან ძალიან დაახლოებული პირია, ამ ადამიანის სახელს ძალიან ბევრი სიბინძურე უკავშირდება. ბევრი კითხვა არსებობს საზოგადოებაში და ძალიან ბევრი კითხვა აქვს პროკურატურას. სწორედ ამას უკავშირდება "ნაციონალების" შეშფოთება", -განმარტა კალაძემ.
