პრემიერ-მინისტრი ირაკლი ღარიბაშვილი წავკისის გამაჯანსაღებელი კომპლექსის საკითხის შესწავლას გეგმავს, სადაც გარდაბნის მაჟორიტარი დეპუტატის გიორგი ფეიქრიშვილის ინტერესი იკვეთება. ამის შესახებ, ღარიბაშვილმა ,,ჯი-ეიჩ-ენის" კითხვის საპასუხოდ განაცხადა.
მისივე განმარტებით, ყველა ადამიანი პასუხს აგებს კანონის წინაშე ვინც დაარღვევს კანონს.
,,არა მგონია, ფეიქრიშვილის გამო ქვეყანა ინვესტიციების გარეშე აღმოჩნდეს. თუ ამ ფაქტს ადგილი აქვს ამას შეისწავლიან. ამ საკითხს მოვიკითხავ თუ რამე კანონდარღვევას აქვს ადგილი ამას სამართალდამცავები გასცემენ პასუხს. ვინც არ უნდა იყოს, ეს იქნება ფეიქრიშვილი, თუ სხვა, ამას მნიშვნელობა არ აქვს ჩვენთვის, თუ ვინმე კანონს არღვევს, ის პასუხს აგებს. ღარიბაშვილი თუ არღვევს კანონს, ის აგებს პასუხს", _განაცხადა ღარიბაშვილმა.
პრემიერის განცხადებით, ამ ეტაპზე ინფორმირებული არ არის წავკისის გამაჯანსაღებელი კომპლექსთან დაკავშირებულ საკითხებზე.
,,კონკრეტულად არ ვიცი რა ხდება წავკისის გამაჯანსაღებელ კომპლექსთან დაკავშირებით და ამას გავარკვევ", _განაცხადა ირაკლი ღარიბაშვილმა", _განაცხადა ღარიბაშვილმა.
შეგახსენებთ, რომ გაზეთ ,,პრემიერის" დღევანდელ ნომერში გამოქვეყნდა მასალა სადაც საუბარია გარდაბნის მაჟორიტარი დეპუტატის გიორგი ფეიქრიშვილისა და კუდის ყოფილი უფროსის მოადგილის ვაჟა ლილუაშვილის საქმიანობაზე. როგორც მასალიდან ირკვევა საუბარია სახელმწიფო და კერძო საკუთარებაში არსებული მიწების ნაკვეთების უკანონო მიტაცებაზე და ამ ადამიანებს მფარველები ჰყავთ ხელისუფლების ცალკეულ სტრუქტურებში. ,,პრემიერი" დეპუტატთანაც აქვეყნებს ინტერვიუს, სადაც ფეიქრიშვილი აღშფოთებას გამოხატავს იმის გამო, რომ მისი საქმიანობით დაინტერესდა ,,რუსთავი-2", ,,საზოგადოებრივი მაუწყებელი" და სხვა მედიასაშუალებები. საკითხის კომენტირებისას ექსპერტი ექსპერტი მამუკა არეშიძე კონკრეტულად აცხადებს, რომ ეს ადამიანები კანონზე მაღლა დგანან. ეს საკითხი აქტუალური იყო წინა პრემიერ-მინისტრის დროსაც მაგრამ პროკურატურამ საქმის გამოძიებას თავი აარიდა. ფეიქრიშვილისა და ლილუაშვილის მხრიდან გარდა ადგილობრივი მოსახლეობის დაზარალებისა, საუბარია იმაზე რომ ქვეყანამ შეიძლება დაკარგოს საკმაოდ დიდი ინვესტიცია, რომელიც წავკისის გამაჯანსარებელ კომპლექში იდება.
