ექსპერტი მამუკა არეშიძე მიიჩნევს, რომ რეინტეგრაციის სამინისტროს ახალი სახელწოდება სახელმწიფო მინისტრი შერიგებისა და სამოქალაქო თანასწორობის საკითხებში მოუქნელია და შესაძლებელი იყო, რომ პაატა ზაქარეიშვილის უწყებას უფრო ნეიტრალური სახელწოდება ჰქონოდა.
"დასახელება მოუქნელია, თორემ აზრი ეგ არის ჩადებული, შერიგებაზე ვართ ორიენტირებულები. საქართველოს ტერიტორიული მთლიანობის აღდგენაზე ვართ ორიენტირებული, ძლიერ სამხრეთ კავკასიასა და ა.შ. ყველაფრის მოცვა ამ დასახელებაში რთულია, ამიტომ ვამბობდი, რომ ალბათ, უფრო ნეიტრალური დასახელება იყო საჭირო, რომელიც თავის თავში შეიცავდა ყველა ამ ცნებას," - განაცხადა არეშიძემ ,,პრაიმ ტაიმის" პრესკლუბში.
შეგახსენებთ, რომ რეინტეგრაციის სამინისტროს პირველი იანვრიდან სახელწოდება შეეცვალა და მას სახელმწიფო მინისტრი შერიგებისა და სამოქალაქო თანასწორობის საკითხებში ჰქვია.
