ოთხშაბათს, 8 იანვარს აღმოსავლეთ საქართველოში, მათ შორის თბილისში თოვლია მოსალოდნელი. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის უფროსმა სვეტა ნიორაძემ განაცხადა 12 იანვრამდე ძირითადად უნალექო ამინდი შენარჩუნდება და ყინვებიც შესუსტდება.
,, რვა იანვარს აღმოსავლეთ საქართველოში, შესაძლოა მოთოვოს, მათ შორის თბილისში, მოსალოდნელია მცირე თოვლი. დასავლეთ საქართველოში შვიდ იანვარს საღამოს და რვაში ზოგან ნალექია მოსალოდნელი დაბლობში თოვ-ჭყაპის, ხოლო მთაში თოვლის სახით", _განაცხადა სვეტა ნიორაძემ ,,ჯი-ეიჩ-ენთან" საუბარში და აღნიშნა, რომ საქართველოს მასშტაბით თოვლი ერთი დღის განმავლობაში შენარჩუნდება და 9 იანვარს უკვე გამოიდარებს.
მისივე განმარტებით, რვა იანვრიდან დასავლეთ საქართველოში ყინვა აღარ იქნება და ღამით ტემპერატურა დადებით ნიშნულამდე დავა, ხოლო აღმოსავლეთ საქართველოში ყინვა შენარჩუნდება, თუმცა შესუსტებული სახით.
