საქართველოს პრემიერ-მინისტრი ირაკლი ღარიბაშვილი სომეხ თანამოქალაქეებს შობასა და ნათლისღებას ულოცავს.
"დღეს, 6 იანვარს სომხური სამოციქულო ეკლესია შობასა და ნათლისღებას აღნიშნავს. ვულოცავ ამ ბრწყინვალე დღესასწაულს ჩვენს სომეხ თანამოქალაქეებს, ჩვენს ძმებს.
ქართველებმა და სომხებმა ბევრი განსაცდელი და გამარჯვება გამოვიარეთ ერთად - ურყევია ჩვენი მრავალსაუკუნოვანი ძმობა და მეგობრობა. მჯერა, კიდევ ბევრს ვიშრომებთ ერთად ჩვენი ქვეყნის საკეთილდღეოდ.
კიდევ ერთხელ ვულოცავ ამ დიდ დღესასწაულს სომხებს, ჩვენს ძმებს. მინდა ვუსურვო მათ ოჯახებს ბედნიერება, მშვიდობა, კეთილდღეობა და დიდი წარმატებები".
