თურქეთში, ქალაქ გებზეში ალკოჰოლით მოწამლული ქართველებიდან კიდევ ერთი გარდაიცვალა. ბესო ცომაია, რამდენიმე დღის განმავლობაში საავადმყოფოში კომატოზურ მდგომარეობაში იყო.
ცომაიას გარდაცვალებას მისი ახლობლებიც ადასტურებენ. თურქეთის საავადმყოფოში მკურნალობის კურსი კიდევ ორ ქართველს უტარდება.
შეგახსენებთ, რომ თურქეთში, ქალაქ გებზეში ასევე გარდაიცვალა ოთხი ქართველიც. არსებული ინფორმაციით, ოთხი ქართველის გარდაცვალება კუსტარულად დამზადებულმა ალკოჰოლურმა სასმელმა გამოიწვია.