საზეიმო ღვთისმსახურებას ქრისტეს შობის დღესასწაულთან დაკავშირებით სრულიად საქართველოს კათოლიკოს-პატრიარქი, უწმინდესი და უნეტარესი ილია II ყოვლადწმინდა სამების საპატრიარქო ტაძარში აღავლენს. როგორც უწმინდესმა საკვირაო ქადაგებისას ბრძანა, სამების საკათედრო ტაძარში საზეიმო წირვა-ლოცვა, დღეს, 6 იანვარს 19:00 საათზე დაიწყება, ხოლო 23:00 საათზე საშობაო ეპისტოლე წაიკითხება, რის შემდეგ საზეიმო ღვთისმსახურება დაიწყება.
შეგახსენებთ, რომ 7 იანვარს მართლმადიდებულური სამყარო ქრისტეს შობის დღესასწაულს აღნიშნავს.