უახლოეს პერიოდში სამთავრობო ცვლილებები მოსალოდნელი არ არის. როგორც საქართველოს პრემიერ-მინისტრის პრესსამსახური აცხადებს, ბოლო პერიოდში სხვადასხვა მედიასაშუალებაში გავრცელდა არაერთი ინფორმაცია მოსალოდნელ სამთავრობო ცვლილებებზე.
„ვაცხადებთ, რომ უახლოეს დღეებში პრემიერ-მინისტრი კანონმდებლობის თანახმად დანიშნავს ახალ მთავარ პროკურორს. სხვა საკადრო ცვლილება მთავრობაში დაგეგმილი არ არის.
ჩვენ მზად ვართ მედიას ოპერატიულად მივაწოდოთ დაზუსტებული ინფორმაცია ნებისმიერ სიახლეზე. ამ ეტაპზე გავრცელებული ინფორმაცია სინამდვილეს არ შეესაბამება"- აცხადებენ პრესსამსახურში.
