პარლამენტის თავმჯდომარის დავით უსუფაშვილის განმარტებით, კოჰაბიტაციის პროცესმა იმაზე ნაკლები დანაკარგებით ჩაიარა ვიდრე, შესაძლებელი იყო. ამის შესახებ, უსუფაშვილმა განვლილი ერთი წლის შეფასებისას განაცხადა და აღნიშნა, რომ ქართველ ხალხს მაინც და მაინც არ მოეწონა კოჰაბიტაცია.
მისივე განმარტებით, მთლიანობაში განვლილი ერთი წელი პოზიტიური და სხვადასხვა მოვლენებით აღსავსე იყო.
,,გასულ წელს ვიგემეთ ახალი ხილი სახელწოდებით კოჰაბიტაცია. ეს ხილი ქართველ მომხმარებლებს, მოქალაქეებს, ამომრჩევლებს მაინც და მაინც მოეწონა, ალბათ, ვერ ვიტყვით, მაგრამ ეს გარდაუვალი პროცესი იყო. ვფიქრობ, მან იმაზე ნაკლები დანაკარგებით ჩაიარა ვიდრე, შესაძლებელი იყო. სირთულეები რომელიც კოჰაბიტაციის ერთ წელიწადს ახლდა, დარწმუნებული ვარ, ხელისუფლების მცდელობის შედეგად კიდევ ვიმეორებ ნაკლები დანაკარგებით განხორციელდა", _განაცხადა უსუფაშვილმა.
