,,ჩვენ მზად ვართ ვითანამშრომლოთ ყველასთან ტერორიზმთან წინააღმდეგ", _განაცხადა პარლამენტის თავმჯდომარემ დავით უსუფაშვილმა საკანონმდებლო ორგანოს ერთწლიანი მუშაობის შეჯამებისას ვოლგოგრადში მომხდარი ტრაგედიის კომენტირებისას.
უსუფაშვილმა ტერაქტის შედეგად დაღუპულთა ოჯახებს მიუსამძიმრა.
,,მინდა ღრმა მწუხარება გამოვხატო იმ მოვლენებთან დაკავშირებით, რომელიც ბოლო დღეებში რუსეთში განვითარდა. ტერორისტულმა აქტებმა მშვიდობიანი ადამიანების სიცოცხლე შეიწირა. სამძიმარს ვუცხადებ ყველა გარდაცვლილის ოჯახს და გამოვხატავ საქართველოს ხელისუფლების ძალიან მკაფიო და ურყევ პოზიციას, რომ ჩვენ მზად ვართ ვითანამშრომლოთ ყველასთან ტერორიზმთან წინააღმდეგ, ჩვენ მზად ვართ ყველაფერი გავაკეთოთ იმისთვის რომ ყველა ქვეყანაში, ყველა ქალაქში მშვიდობიან ადამიანებს არ ემუქრებოდეს ის საფრთხე რის მოწმეებიც ამ დღეების განმავლობაში გავხდით", _განაცხადა უსუფაშვილმა.
