დღეს, 28 დეკემბერს, საზოგადოება „ივერიის" და ინტერნეტგამოცემა Iveria.biz-is ორგანიზებით ჩატარდება საქველმოქმედო აქცია საოკუპაციო ხაზთან მდებარე სოფელ დვანში.
საზოგადოება „ივერიის" და ინტერნეტგამოცემa Iveria.biz -ის დამფუძნებლები არიან საგარეო საქმეთა ყოფილი მინისტრი გრიგოლ ვაშაძე, კულტურის ყოფილი მინისტრი ნიკა რურუა, საგარეო საქმეთა მინისტრის ყოფილი მოადგილე ნიკოლოზ ვაშაკიძე,საგარეო საქმეთა მინისტრის ყოფილი მოადგილენინო კალანდაძე, საქართველოს ყოფილი სრულუფლებიანი ელჩი საფრანგეთში მამუკა კუდავა,საქართველოს ყოფილი სრულუფლებიანი ელჩი ჩინეთში მამუკა გამყრელიძე და საქართველოს ყოფილი სრულუფლებიანი ელჩი ჩეხეთის რესპუბლიკაში ნინო ნაკაშიძე.
"ივერიის" მიერ ორგანიზებულ საქველმოქმედო აქციებს პერმანენტული სახე აქვს და ის ყოველი თვის ბოლო კვირას ხორციელდება.
საოკუპაციო ხაზთან მდებარე სოფლებში გაზიფიცირება დაწყებულია, მაგრამ გაზქურების უქონლობის გამო ადგილობრივების დიდ ნაწილს ბუნებრივი აირით სარგებლობა არ შეუძლიათ.
28 დეკემბერს, საახალწლოდ საზოგადოება "ივერია" დვანის მოსახლეობის დიდ ნაწილს - 180 ოჯახს უზრუნველყოფს გაზქურებით.
საქველმოქმედო აქციაში მონაწილეობის მიღება ნებისმიერ მსურველს შეუძლია.
მასალის გამოყენების პირობები