თბილისის საკრებულოს ფრაქციის "ნაციონალური მოძრაობა-რეფორმატორები'' თავმჯდომარემ თემურ გრიგალაშვილმა ამ დღეებში სარევიზიო კომისიის თავმჯდომარის მიერ გაკეთებულ განცხადებებს პროკურატურის დაკვეთა უწოდა და მიხეილ ქავთარაძე ახალი ზღაპრის შექმნაში დაადანაშაულა.
"ბოლო დღეების განმავლობაში ჩვენ სარევიზიო კომისიის თავმჯდომარისგან სხვადასხვა ტიპის ისტორიებს ვისმენთ. მე მრჩება შთაბეჭდილება, რომ მიხეილ ქავთარაძე პროკურატურის დაკვეთით ახალ ზღაპარს სახელად- "ქავთარაძე და 41 ყაჩაღი'' ქმნის.
რაც შეეხება პრემიებს, ცალსახად მინდა ვთქვა, რომ პრემიები ჯერ კიდევ ირაკლი შიხიაშვილის საკრებულოს თავმჯდომარეობამდე როგორც თანამდებობის პირებზე, ასევე აპარატის თანამშრომლებზე ერთნაირად გაიცემოდა და მათი გაცემა ამავე პრინციპით ხდებოდა 2010 წელსაც, ვიდრე "ქართულ ოცნებაში'' გადაბრგებული 14 ადამიანი ჯერ კიდევ "ნაციონალურ მოძრაობას წარმოადგენდა''.
,,მინდა განვმარტო, რომ საკრებულოს უმრავლესობა 25 დეპუტატითაა წარმოდგენილი და თითოეული მათგანი თანამდებობის პირია.რაც შეეხება უმცირესობას, 22 დეპუტატისგან თანამდებობა მხოლოდ შვიდს უჭირავს და შესაბამისად, მათ მიერ გაწეული ხარჯიც ნაკლებია'',-განაცხადა თემურ გრიგალაშვილმა.
თბილისის საკრებულოს ინფორმაციით, გრიგალაშვილმა ბრიფინგზე ასევე ისაუბრა მანქანების თაობზეც და აღნიშნა, რომ უმრავლესობამ უმცირესობას მათთვის ნაყიდი მანქანები მალევე ჩამოართვა და მათ ისევ ძველი მანქანები დაუბრუნა.
,,რაც შეეხება სამსახურეობრივ ავტომანქანებს, ახალმა უმრავლესობამ მოსვლისთანავე "ნაციონალური მოძრაობის'' წარმომადგენელებისთვის მანქანების შესასყიდად ტენდერი გამოაცხადა, თუმცა ჩვენ ძველი მანქანები დაგვიბრუნეს, ხოლო ახლები თვითონ დაიტოვეს.
გამომდინარე აქედან, საზოგადოება თვითონ გადაწყვეტს, თუ ვინ იბრძვის კომფირტისთვის და ვინ მუშაობს დედაქალაქში მოსახლეობის პრობლემატიკის მოგვარებაზე.მიმაჩნია, რომ არ არის საჭირო ყველა საკითხის პოლიტიზირება და ჩვენი მუშაობიდან სარგებელი არა რომელიმე პოლიტიკურმა ჯგუფმა, არამედ, პირველ რიგში, მოსახლეობამ უნდა ნახოს'',-განაცხადა თემურ გრიგალაშვილმა.
