„თურქულ კომპანიასთან მოლაპარაკებები საკმაოდ რთულ ფაზაში შევიდა. პრინციპში ამ კომპანიასთან გვაქვს საჯარო კერძო პარტნიორობის მოდელი, ანუ ააშენე ოპერირება გაუწიე და გადაეცი უკან სახელმწიფოს. ამ მოდელის მიხედვით კომპანიას ევალებოდა აეშენებინა და გაწია მაღალი ხარისხის ოპერირება და შემდგომ გადაეცა სახელმწიფოსთვის. ჩვენ სპეციალურად მოვაწყეთ სემინარი მსოფლიო ბანკისა და საერთაშორისო საფინანსო კორპორაციის მონაწილეობით, მოვიწვიეთ მსოფლიოში საუკეთესო სპეციალისტები და გვაინტერესებდა ამ ტიპის მოდელების მუშაობა დადებითი და უარყოფითი მხარეები. პრინციპში ყველა ექსპერტმა ვინც იყო მოწვეული, რომ ეს არის საერთაშორისო პრაქტიკა, რომ საჯარო კერძო პარტნიორობის ხელშეკრულების მუდმივი განახლება ხდება. ანუ აქ საუბარი არ არის იმაზე, რომ არ ვაღიარებთ დადებულ ხელშეკრულებებს. ეს არის საჯარო პარტნიორები მოდელი, და სახელმწიფოს მუდმივად უჩნდება მოთხოვნები მმართველი კომპანიის მიმართ. ჩვენ წავიყენეთ მათ საერთაშორისო პრაქტიკით გათვალისწინებული მოთხოვნები, დავიქირავეთ სპეციალური კომპანიამ, რომელმაც ტექნიკური დახმარება გავიწია ამ საკითხში და ამ მოთხოვნაზე დათანხმება კომპანიის მხრიდან ძალიან გახანგრძლივდა. იმიტომ, რომ ის ხელშეკრულება, რომელიც ქონდათ მათ ასიმეტრიულ მოქნილობას აძლევდათ. პირდაპირ, რომ ვთქვა, ეს იყო მათი მხრიდან არარეგლამენტირებული საქმიანობა"- განაცხადა გიორგი კვირიკაშვილმა, რომელმაც დასძინა, რომ მთავრობის სურვილია, რომ „ტავი" საქართველოში დარჩეს და ოპერირება გააგრძელოს, ოღონდ განახლებული პირობებით.
„დღეს ჩვენ ვართ საკმაოდ რთულ ფაზაში, არ დავმალავ. მაგრამ ჩვენი ძალიან დიდი სურვულია, რომ გრძელვადიან პარტნიორობის სქემაზე შევთანხმდეთ და „ტავი" დარჩეს საქართველოში და გაუწიოს პარტნიორობა აეროპორტებს, ოღონდაც იმ მოთხოვნების გათვალისწინებით, რომელიც სავსესბით ბუნებრივია და შეესაბამება საერთაშორისო პრაქტიკას"- აღნიშნა მინისტრმა.