ფოთის ნაცვლად აეროპორტის მშენებლობა ანაკლიის პორტის მიმდებარე ტერიტორიაზე იგეგმება. როგორც დღეს ეკონომიკისა და მდგრადი განვითარების მინისტრმა გიორგი კვირიკაშვილმა განაცხადა, ფოთში აეროპორტის მშენებლობა გაუმართლებელი იყო.
„ჩვენი ანალიზის შედეგად ფოთში აეროპორტის მშენებლობის პროექტი იყო აბსოლიტურად გაუმართლებელი. ეს არის საკმაოდ ჭაობიანი ზონა და ამის ნაცვლად ძალიან მძლავრი, მაღალი შესაძლებლობების მქონე საერთაშორისო აეროპორტი აშენდება ანაკლიის პორტის მიმდებარე ტერიტორიაზე. ვფიქრობ, რომ ამ რეგიონში 2 ასეთი აეროპორტის მშენებლობა არანაირ საჭიროებას არ წარმოადგენს და ამიტომ ანაკლიის პორტის პროექტის ფარგლებში დიდი საერთაშორისო აეროპორტის მშენებლობაა გათვალისწინებული, რომელსაც ექნება შესაძლებლობები სატვირთო გადაზიდვების მიმართულებით"- განაცხადა კვირიკაშვილმა.
