,,სასამართლოს გადაწყვეტილებას მძიმე შედეგები ექნება ქართული დემოკრატიის მომავლისთვის", _განაცხადა საპარლამენტო უმცირესობის ლიდერმა დავით ბაქრაძემ თბილისის მერის გიგი უგულავას უფლებამოსილების შეჩერების კომენტირებისას.
მისვე განმარტებით, საქალაქო სასამართლოს გადაწყვეტილებამ დაადასტურა, რომ მათ არ აინტერესებთ თბილისელების აზრი, რომლებმაც გიგი უგულავა არჩევნების გზით აირჩიეს.
,,ღამის პირველ საათზე, დახურულ კარს მიღმა, გადაწყვეტილების შესახებ, რომლის შესახებ თბილისის მერმა პოსტ ფაქტუმ შეიტყო, მოსამართლის თანაშემწის ზარით, ხოლო მილიონ ნახევარმა თბილისელმა მხოლოდ ამის შემდეგ. სასამართლომ და ხელისუფლებამ, სამწუხაროდ, გადადგა ძალიან მძიმე ნაბიჯი, რომელიც სამართლებრივად არის სადო, ხოლო პოლიტიკურად, მორალურად მძიმე ქვეყნის მომავლისთვის", _განაცხადა ბაქრაძემ.
