უახლოეს მომავალში რუსეთსა და სომხეთს შორის პირდაპირი საზღვარი გაჩნდება. ეს განცხადება საერთაშორისო კონფერენციაზე „უსაფრთხოება და თანამშრომლობა სამხრეთ კავკასიაში" „სტრატეგიული კონიუქტურის ცენტრის" დირექტორის მოადგილემ მიხაილ ჩერნოვმა გააკეთა.
„დღეს სომხეთში ბევრს ეჭვი ეპარება იმაში თუ როგორ უნდა იფუნქციონიროს რესპუბლიკამ საბაჟო კავშირში და ევრაზიულ კავშირებში, ისე რომ საერთო საზღვარი არ არსებობს.
მე ამის გამო საერთოდ არ ვიღელვებდი, იმიტომ რომ ეს დროებითია. რუსეთსა და სომხეთს შორის პირდაპირი საზღვარი იარსებებს და ეს უახლოესი მომავლის საქმეა. რუსეთი სატრანსპორტო ინფრასტრუქტურული ურთიერთობებით უშუალოდ სომხეთამდე მივა",_ განაცხადა მან.
ჩერნოვის აზრით, ეს ტრანსკავკასიური სატრანსპორტო დერეფნების განვითარების ხარჯზე მოხდება, რომლებსაც საფუძველი ჯერ კიდევ რუსეთის იმპერიის, საბჭოთა კავშირის დროს ჩაეყარა. მომავალში მათი განვითარება მოხდება.
„ძირითადი მაგისტრალი, რომელმაც ჩრდილოკავკასია და დასავლეთ ყაზახეთი სამხრეთ კავკასიასთან უნდა დააკავშიროს - ეს ტრანსკავკასიური მაგისტრალია. ახლა არსებობს საავტომობილო გზა, რომელიც ვლადიკავკაზს ცხინვალთან აერთებს და სომხეთისკენ მიდის. ახალი ტექნოლოგიების გამოყენებით ამ გზის მოდერნიზირება უნდა მოხდეს, იმისათის რათა მისი გავლა ნებისმიერმა ტვირთმა შეძლოს - დაწყებული სამხედრო ტექნიკით და დასრულებული საქონლით", _ აღნიშნავს ჩერნოვი.
ამას გარდა, მისივე თქმით, რუსეთის კავკასიასა და სომხეთში პირდაპირი გასვლის აუცილებლობის გამო დღის წესრიგში იქნება ოსური საკითხის სამართლიანი გადაწყვეტა.
ჩერნოვი აღნიშნავს, რომ არსებობს, რუსეთის მიერ აღიარებული „სამხრეთ ოსეთის რესპუბლიკა, თუმცა არის ბევრი კითხვა მის საზღვრებთან დაკავშირებით".
„უშუალოდ ჯავახეთს ესაზღვრება თრიალეთის ოსეთი საიდანაც 30 ათასი ოსი გამოდევნეს. დაყენებული იქნება საკითხი ამ რეგიონის მოსახლეობის უფლებების დაცვის შესახებ. ეს შეეხება საქართველოს ყაზბეგის რაიონს, სადაც საქართველოს სამხედრო გზა გადის.
ოსეთის საზღვრების ცვლილება დაკავშირებული იქნება სატრასპორტო ინფრასტრუქრურასთან", _ აცხადებს ექსპერტი და აღნიშნავს, რომ სწორედ ასე მიიღებს სომხეთი პირდაპირ სატრანსპორტო გასასვლელს ტრანსკავკასიურ მაგისტრალზე ამიერკავკასიის ქვეყნებსა და სომხეთში.
ამასთან ერთად, ჩერნოვმა აღნიშნა რუსეთის სატრანსპორტო პროექტები კონფლიუქტების გადაწყვეტის სამხედრო სცენარს არ ითვალისწინებს.