,,სამწუხაროა, რომ ხელისუფლებამ ძირითად პრიორიტეტად კვლავ დაპირისპირება და შურისძიება აირჩია", _განაცხადა საპარლამენტო უმცირესობის ლიდერმა დავით ბაქრაძემ პროკურატურის გადაწყვეტილების კომენტირებისას.
მისივე განმარტებით, მსგავსი ტაქტიკით მოქმედება ქვეყანას კარგს არაფერს მოუტანს.
,, დარწმუნებული ვარ, რომ დღეს ჩვენს ქვეყანას სჭირდება სიმშვიდე, მეტი ინვესტიცია, მეტი სამუშაო ადგილი, მეტი შემოსავალი ადამიანებს და უნდა გვესმოდეს, რომ შურისძიება, დაპირისპირება, დაკიტხვებზე დაბარებები მთავრობას მიზნის მიღწევაში ვერ დაეხმარება პირიქით, ეს მოიტანს ბევრ გაურკვევლობას, მეტ დამფრთხალ ინვესტორს, მეტ კრიტიკას ევროპელი და ამერიკელი პარტნიორების მხრიდან", _განაცხადა ბაქრაძემ.
შეგახსენებთ, რომ თბილისის მერს გიგი უგულავას პროკურატურამ ბრალი წაუყენა.
