,,ეროვნულ-დემოკრატიული ინსტიტუტის" (NDI-ის) მიერ ჩატარებული კვლევის თანახმად, გამოკითხულთა 9% მიიჩნევს, რომ მთავრობა მიხეილ სააკაშვილს პასუხისგებაში მისცემს. NDI-ის კითხვაზე ,,როდესაც მიხეილ სააკაშვილი ოფიციალურად დატოვებს პრეზიდენტის პოსტს, თქვენი აზრით, რომელია ყველაზე მოსალოდნელი რომ მოხდეს?" გამოკითხულთა 30% მიიჩნევს, რომ სააკაშვილი კვლავ აქტიურად იქნება ჩართული პოლიტიკაში, ,, ნაცმოძრაობის" ლიდერის როლში, 23%-ის აზრით, სააკაშვილი დატოვებს საქართველოს და საზღვარგარეთ დაიწყებს მუშაობას, ხოლო რესპონდენტა 9%-ის აზრით მთავრობა მიხეილ სააკაშვილს პასუხისგებაში მისცემს.
NDI-ის კვლევის საველე სამუშაოები ჩატარდა 13-27 ნოემბერის პერიოდში, საქართველოს მასშტაბით 3,915 პირისპირ ინტერვიუს წარმომადგელობითი შერჩევის საფუძველზე.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) დაატარებს კავკასიის კვლევითი რესურსების ცენტრი (CRRC). კვლევაში საშუალო ცდომილების ზღვარი არის +/-2.9%
