ესპანეთში ოფიციალური ვიზიტით მყოფი საქართველოს საგარეო საქმეთა მინისტრი, მაია ფანჯიკიძე ესპანეთის დედოფალს სოფიას შეხვდა. საუბრისას მხარებმა ქვეყნებს შორის ურთიერთობის კიდევ უფრო განვითარების სურვილი გაცვალეს. მინისტრმა დედოფალი სოფია საქართველოში მიიწვია. ესპანეთის დედოფალმა საქართველოში შესაძლო ვიზიტთან დაკავშირებით დაინტერესება გამოხატა.
მაია ფანიკიძის ოფიციალური ვიზიტი ესპანეთის სამეფოში 17 დეკემბერს დაიწყო. ვიზიტის ფარგლებში საგარეო საქმეთა მინისტრი შეხვედრებს გამართავს ქვეყნის აღმასრულებელი და საკანონმდებლო ხელისუფლების წარმომადგენლებთან. მაია ფანჯიკიძე ესპანელ კოლეგას ხოსე მანუალ გარსია მარგალიოს შეხვდება, ასევე სიტყვით გამოვა ესპანეთის სამეფო კვლევით ინსტიტუტში.
