რეგიონული განვითარებისა და ინფრასტრუქტურის მინისტრი დავით ნარმანია თბილისის მერის გიგი უგულავას პროკურატურაში დაბარებით პოლიტიკურ დევნის საფუძველს ვერ ხედავს. როგორც საკითხის კომენტირებისას ნარმანიამ განაცხადა საქმე გვაქვს არა პოლიტიკურ დევნასთან, არამედ საგამოძიებო პროცესთან.
,,ადგილი აქვს არა დევნას, არამედ საგამოძიებო პროცესს, რაც ჩვეულებრივია როცა თანამდებობის პირის საქმიანობასთან დაკავშირებით ჩნდება კითხვები. ასეთ კითხვებს პასუხი უნდა გაეცეს", - განაცხადა ნარმანიამ.
შეგახსენებთ, რომ თბილისის მერი გიგი უგულავა მთავარ პროკურატურაში დღეს, 13:00 საათისთვის არის დაბარებული. საქმე ეხება ააიპ "ძველი ქალაქის რეაბილიტაციისა და განვითარების ფონდისა" და ააიპ "თბილისის გავითარების ფონდის" თანამშრომლების მიერ დიდი ოდენობით საბიუჯეტო თანხების მართლსაწინააღმდეგო მითვისება-გაფლანგვის ფაქტებს.
