საქართველოს პრემიერ-მინისტრის ირაკლი ღარიბაშვილის განცხადებით, მიუხედავად იმისა, რომ რუსეთს აქართველოს ტერიტორიები ოკუპირებული აქვს ქართულმა მხარემ პირველი ნაბიჯი ურთიერთობის დასალაგებლად უკვე გადადგა. როგორც ღარიბაშვილმა შავი ზღვის საპარლამენტო ასამბლეის 42-ე სესიაზე განაცხადა, რუსეთთან ეკონომიკური, კულტურული ურთიერთობების მიმართულებით მუშაობა კვლავ გაგრძელდება.
,,მიუხედავად იმისა, რომ ჩვენი ქვეყანა ოკუპირებულია, პირველი ნაბიჯები რუსეთთან სავაჭრო, ეკონომიკური და კულტურული ურთიერთობების მიმართულებით ჩვენ უკვე გადავდგით და ამ კუთხით მუშაობა გრძელდება. ამ კონტექსტში მინდა გითხრათ, რომ ჩვენი სპორტსმენები მიიღებენ მონაწილეობას ოლიმპიურ შეჯიბრებებში, რადგან მიგვაჩნია, რომ სპორტი თავისუფალი უნდა იყოს პოლიტიკისგან", _განაცხადა ღარიბაშვილმა.
