პარლამენტის თავმჯდომარე დავით უსუფაშვილი ყოფილი პრემიერ-მინისტრის ვანო მერაბიშვილის განცხადებას ეხმიანება, როგორც ჟურნალისტებთან საკითხის კომენტირებისას უსუფაშვილმა განმარტა წინასწარ პატიმრობაში მყოფ პირს აქვს უფლებები, ეს უფლებები არის დასაცავი ყველას მხრიდან.
,,პროკურორები ამ ქვეყანაზე იმიტომ არიან, რომ საქმეები გამოიძიონ და პატიმრებთან ჰქონდეთ ურთიერთობა და არა უფრო სასიამოვნო გარემოში სხვა თემებზე საუბარი აწარმოონ. ვერაფერს გეტყვით, თუ ვინ შეხვდა ბატონ ვანო მერაბიშვილს, როდის შეხვდა მას ან სად, რომელ დაწესებულებაში იმყოფებოდა ბატონი მთავარი პროკურორი. ეს მე არ ვიცი და არც შეიძლება ვიცოდე. ერთადერთი რაც შეიძლება გითხრათ, არის ის, რომ ყველა პატიმარს, წინასწარ პატიმრობაში მყოფ პირს აქვს უფლებები, ეს უფლებები არის დასაცავი ყველას მხრიდან. ამასობაში გამოძიებას აქვს თავისი ვალდებულება და უფლებები გამოძიებისა და საპროცესო მოქმედებების წარმოების და ამის იქით, თუ ვინმეს უფლება დაირღვა, არსებობს წესი და რიგი, რომ ამას მიხედოს", - განაცხადა უსუფაშვილმა.
