ირაკლი ღარიბაშვილმა ვანო მერაბიშვილის განცხადებას არასერიოზული უწოდა და განაცხადა, რომ ახალი ხელისუფლება მსგავსი მეთოდებით არ მუშაობს. მისი თქმით, არსებობს მთელი რიგი პროცედურები და ამას გამომძიებლები გამოიძიებენ. „ამ საქმეში ჩემზე უკეთესი რესპოდენტები ფსიქოლოგები და ფსიქოანალიტიკოსები არიან და ისინი გააკეთებენ კომპეტენტურ კომენტარს" - განაცხადა პრემიერმა, რომლის ვარაუდით, შეიძლება მერაბიშვილის განცხადება იყოს ხელისუფლების წინააღმდეგ დაგეგმილი პროვოკაცია, შესაძლოს იყოს ახალი პროკურორის დისკრედიტაციის მცდელობა, ან მერაბიშვილის გადაჭარბებული შიში. „მე მოვისმინე, რომ დააკავეს ძველი თბილისის გამგებელი , რომელიც წარსულში იყო ჟვანიას მძღოლი და პირადი დაცვა. მეორე, - ის ცდილობს დააშანტაჟოს მისი ყოფილი ხელმძღვანელი მიხეილ სააკაშვილი"- განაცხადა პრემიერმა. მისივე თქმით, მერაბიშვილმა საყურადღებო აქცენტები გააკეთა ზურაბ ჟვანიას ბუნდოვანებით მოცულ გარდაცვალებასთან და სააკაშვილის ფინანსურ რესურსებთან დაკავშირებით