,მერაბიშვილის განცხადებებზე შესაბამისმა უწყებებმა შესაბამისი კომენტარები უნდა გააკეთონ", _განაცხადა იუსტიციის მინისტრმა თეა წულუკიანმა ყოფილი პრემიერის მერაბიშვილის განცხადების შეფასებისას.
მისივე განმარტებით, წარმოუდგენელია რომ სასჯელაღსრულების დაწესებულებაში ამგვარი რამ მომხდარიყო.
,, ეს ჩემთვის არის სრულიად ახალი ინფორმაცია და ძალიან მიკვირს, წარმოუდგენელიც კი მგონია, რომ ამგვარი რამე მომხდარიყო, თუნდაც სასჯელაღსრულების დეპარტამენტში, რომელიც თვისობრივად სხვა მეთოდებით მუშაობენ, მითუმეტეს, მთავარ პროკურორს გამოეყენებინა ამგვარი მეთოდი. მე ეს მიმაჩნია გამორიცხულად. თუმცა რაკი ეს განცხადება გაკეთდა ამას სერიოზულად უნდა მოვეკიდოთ და არ უნდა მოვეკიდოთ ისე, როგორც წინა ხელისუფლება აკეთებდა და პირდაპირ ამბობდა ყოველგვარი სერიოზული მიდგომის გარეშე, რომ ყველა დანარჩენი იტყუებოდა მის გარდა. მე ამას ასე არ ვუყურებ. მგონია, რომ ეს არის გამორიცხული. თუმცა რაკი სასამართლო სხდომაზე ბრალდებულმა ეს განცხადება გააკეთდა, შესაბამისმა უწყებებმა შესაბამისი კომენტარები უნდა გააკეთონ. სერიოზულობით უნდა მოეკიდნენ ამ განცხადებას და გასცენ დასაბუთებული და სერიოზული პასუხი", - აცხადებს წულუკიანი.
