მთავრობის კანცელარიაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი შვედეთის პარლამენტის საფინანსო კომიტეტის წვერებს ბო ბერნჰარდსონს, სტეფან ანგერსა და კატერინა სტენმარკს შეხვდა.
შეხვედრაზე მხარეებმა განიხილეს შვედეთის მიერ საქართველოსათვის გაწეული დახმარებისა და საქართველო-ევროკავშირის ურთიერთობების აქტუალური საკითხები.
როგორც ,,ჯი-ეიჩ-ენს" ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატიდან აცნობეს სახელმწიფო მინისტრმა განსაკუთრებულად აღნიშნა შვედეთის წვლილი საქართველოს ტერიტორიული მთლიანობის ურყევი მხარდაჭერისა და საქართველოს ოკუპირებული რეგიონების არაღიარების პოლიტიკის მტკიცედ გატარების საქმეში. მხარეებმა ისაუბრეს ბოლო პერიოდში აღმოსავლეთ პარტნიორობაში მონაწილე ქვეყნებზე რუსეთის მიერ განხორცილებულ ზეწოლაზე.
შეხვედრაზე, ასევე, განიხილეს მომავალი თანამშრომლობის სფეროები. შვედმა პარლამენტარებმა ხაზგასმით აღნიშნეს, რომ მათი საქართველოში სტუმრობის მიზანი საქართველოს ევროპული განვითარებისათვის დახმარების გაწევაა და შვედეთი მომავალშიც აქტიურად გააგრძელებს საქართველოს მხარდაჭერას
