მაიდანზე და კიევის საქალაქო ადმინისტრაციასთან ხალხის რაოდენობამ 25 ათასს გადააჭარბა. მათი რაოდენობა იზრდება. ინფორმაციას ამის შესახებ უკრაინული მედია ავრცელებს.
მაიდანის სცენიდან უკრაინული მუსიკა ისმის. „ბერკუტის" წარმომადგენლები მაიდანს თანდათან ტოვებენ. ისინი ევროპული მოედნის მხარეს მიდიან. მრავალი მათგანი ავტობუსებში ჩაჯდა. ხალხი მათ უყვირის „მშვიდობით!". ავტობუსებში სხდებიან ასევე მერიის შტურმში მონაწილე „ბერკუტის" წარმომადგენლები. ხალხი მათ ფანჯრებიდან მდუღარე წყალს ასხამდნენ.
„მინდა ვთქვა, რომ ჩვენ ეს შევძელით. იმიტომ, რომ ჩვენ უკრაინელები ვართ. ჩვენ ძლიერი ერო ვართ. ჩვენ ჩვენს მიწაზე ვართ. გვინდა, რომ ხელისუფლება სამართლიანი იყოს. ჩვენ არ გვინდა კორუფცია. ჩვენ გვსურს, რომ ჩვენ ადამიანებს, რომლებიც ამ მიწაზე ვცხოვრობთ როგორც საქონელს ისე არ გვეპყრობოდნენ, რომ ჩვენზე ფეხებს არ იწმენდდნენ", _ განაცხადა პარტია „სვობოდას" ლიდერმა ოლეგ ტიაგნიბოკმა.
