იუსტიციის მინისრტმა, თეა წულუკიანმა იუსტიციის სამინისტროში შემავალი სსიპების რაიონული ოფისების შემოვლა დაიწყო.
თეა წულუკიანი გურიას ეწვია და ოზურგეთის , ჩოხატაურის, ლანჩხუთის რაიონის სერვისების განვითარების, საჯარო რეესტრის, აღსრულების ეროვნული ბიუროს, იუსტიციის სახლისა და ნოტარიუსთა პალატის მუშაობას ადგილზე გაეცნო.
იუსტიციის მინიტრი ადგილზე თავად შეისწავლის იმ პრობლემებს, რომელიც აფერხებს რეგიონული ოფისების მუშაობას, რათა მომავალში მოქალაქეებისათვის გაწეული მომსახურება ეფექტური, სამსახურების მუშაობა კი მაღალი ხარისხის იყოს.
იუსტიციის მინისტრი ოზურგეთის იუსტიციის სახლსაც ეწვია და მოქმედ ნოტარიუსებს შეხვდა. თეა წულუკიანი გაესაუბრა თანაშრომლებს და მათგან მოისმინა იმ საჭიროებების შესახებ რაც ოფისების ეფექტური მუშაობისთვის აუცილებელია. რიგ შემთხვევებში ეს არის ტექნიკური აღჭურვილობის პრობლემა, რის გადასაჭრელადაც მინისტრმა ზრუნვა უკვე დაიწყო.
იუსტიციის მინისტრი, თეა წულუკიანი დღეს სამეგრელოს ტერიროტიული სამსახურების შემოვლას იწყებს.
თეა წულუკიანმა დილით ზუგდიდში მშენებარე იუსტიციის სახლი მოინახულა. იუსტიციის მინისტრი დღის განმავლობაში რაიონის ყველა ტერიტორიულ სამსახურს შემოივლის.
იუსტიციის მინისტრი გეგმავს სამინისტროს გამგებლობაში შემავალი სსიპების მუშაობას საქართველოს ყველა რეგიონში პირადად გაეცნოს.
