გაგარინის ქუჩის დაღმართზე ფერდობის გამაგრებითი სამუშაოები მიმდინარეობს. აღნიშნულ ტერიტორიაზე 200 მეტრის სიგრძის ფერდს ამავე ზომის დამჭერი საყრდენი კედელი უკეთდება, რომელიც რკინა-ბეტონის კონსტრუქციაზეა ჩამოსხმული. გამაგრებითი სამუშაოების ჩატარება მას შემდეგ გადაწყდა, რაც ფერდმა გზის სავალ ნაწილზე ჩამოშლა დაიწყო. ნაშალი სერიოზულ საფრთხეს უქმნიდა, როგორც ტრანსპორტით, ასევე ფეხით მოსიარულეებს. ამ პრობლემის მოგვარების მიზნით, საბურთალოს გამგეობამ საყრდენი კედლის მშენებლობა ერთი თვის წინ დაიყო, რისთვისაც ბიუჯეტიდან ნახევარი მილიონ ლარზე მეტი გამოიყო. გაგარინის ქუჩის დაღმართზე მიმდინარე სამუშაოები დღეს, თბილისის მერმა და საბურთალოს გამგებელმა დაათვალიერეს. გიგი უგულავა ადგილზე გაეცნო პროექტის დეტალებს და დასაქმებულებს გაესაუბრა.
მასალის გამოყენების პირობები
