საქართველოს ახალი ზელანდიის დელეგაცია ესტუმრა, რომელსაც ხელმძღვანდელობდა ახალი ზელანდიის პრემიერ-მინისტრის სპეციალური წარმომადგენელი უშიშროების საბჭოს საკითხებში, ახალი ზელანდიის ყოფილი პრემიერ მინისტრი, ელჩი ჯიმ ბოლჯერი.
ვიზიტის ფარგლებში გაიმართა საქართველოს საგარეო საქმეთა მინისტრის მოადგილის დავით ჯალაღანიას შეხვედრა ახალი ზელანდიის დელეგაციასთან.
საგარეო საქმეთა სამინისტროს ინფორმაციით, შეხვედრაზე მხარეებმა განიხილეს გაერო-ს ფარგლებში თანამშრომლობის საკითხები და ორმხრივი ურთიერთობების აქტუალური მიმართულებები.
ვიზიტის ფარგლებში ასევე გაიმართა დელეგაციის შეხვედრა საქართველოს პრეზიდენტის ადმინისტრაციის უფროსთან ლაშა აბაშიძესთან.
