თბილისში რუსი პოლიტიკოსისა და საზოგადო მოღვაწის აწ-გარდაცვლილი ანატოლი სობჩაკის მეუღლე, ლუდმილა ნარუსოვა იმყოფება.
ქართულ საზოგადოებას ნარუსოვა წარუდგენს ანატოლი სობჩაკის მეორე წიგნს, რომელიც ორ - ქართულ და რუსულ - ენებზე გამოიცემა.
წიგნი, წინამორბედი გამოცემის მსგავსად, 9 აპრილის მოვლენებს ეძღვნება და კრემლისა თუ კაგებეს საარქივო მასალების გარდა მოიცავს საბჭოთა მმართველობის კულუარულ ცნობებსაც.
წიგნის პრეზენტაცია დღეს 19.00 საათზე ზურაბ წერეთლის თანამედროვე ხელოვნების მუზეუმში შედგება.
მანამდე კი 17.30 წუთზე, 9 აპრილის ბაღში, ლუდმილა ნარუსოვა, პეტერბურგიდან ჩამოსული სტუმრები და დელეგაცია სობჩაკის ძეგლს შეამკობენ გვირგვინით.
წიგნის პრეზენტაციას ესწრება საქართველოს ხელისუფლებისა და საკანონმდებლო ორგანოს წარმომადგენლები, ხელოვანები, მუსიკოსები, მწერლები, ჟურნალისტები, ბიზნესწრეების წარმომადგენლები და საზოგადო მოღვაწეები. პრეზენტაცია ღიაა მედიისთვის.
დამატებითი ინფორმაციისთვის: ოთარ ქირია. 577287070
