"ენერგო-პრო ჯორჯიას" 70 ათასამდე აბონენტს უამინდობის გამო ელექტროენერგია არ მიეწოდება.
კომპანიის ინ ფორმაცით, ძლიერი ქარის და თოვლის გამო დაზიანდა ელექტროენერგიის გადამცემი ხაზები, რამაც კომპანიის აბონენტების გათიშვა გამოიწვია.
"კომპანიაში დაზიანების შესახებ ინფორმაციის შემოსვლისთანავე, ტექნიკური სამსახური დაზიანების ლოკალიზაციისა და აღმოფხვრის მიზნით შესაბამის ადგილებზე ოპერატიულად გავიდა", - აცხადებენ კომპანიაში.
"ენერგო-პრო ჯორჯიას" ინფორმაციით, სარეაბილიტაციო სამუშაოების წარმოებას უამინდობა ხელს უშლის, თუმცა ტექნიკური ბრიგადები საგანგებო რეჟიმში მუშაობას განაგრძობენ და კომპანია აბონენტებისთვის ელექტრომომარაგების უახლოეს ხანში აღდგენას შეეცდება.