საქართველოს პრემიერ-მინისტრმა ირაკლი ღარიბაშვილმა იუსტიციის მინისტრის ოთხი მოადგილის დანიშვნას ხელი მოაწერა. იუსტიციის მინისტრის პირველ მოადგილედ ალექსანდრე ბარამიძე დაინიშნა. ის შეასრულებს, აგრეთვე, „საპარლამენტო მდივნის შესახებ" საქართველოს კანონის მე-5 მუხლით განსაზღვრულ უფლებამოსილებებს. იუსტიციის მინისტრის მოადგილეებად გოჩა ლორთქიფანიძე, ალექსანდრე ბურჭულაძე და მიხეილ სარჯველაძე დაინიშნენ.
