2013 წლის 30 ოქტომბრიდან 9 ნოემბრის ჩათვლით აჭარის ა/რ ჯანმრთელობისა და სოციალური დაცვის მინისტრის პირველი მოადგილე რომან ბოლქვაძე, მინისტრის მოადგილე ნონა გალოგრე, ბათუმის რესპუბლიკურის კლინიკური საავადმყოფოს დირექტორი მალხაზ ხალვაში, აჭარის ონკოლოგიური ცენტრის დირექტორი მიშა ართმელაძე, ბათუმის რეფერალური საავადმყოფოს დირექტორი გიორგი გიორგაძე, ჯანმრთელობის ცენტრ მედინას პედიატრი რუსუდან ჯაში და ასოციაცია „თანას" პროექტების კოორდინატორი თამუნა მიქელაძე სამუშაო ვიზიტით გერმანიაში, ქალაქ დიუსელდორფში იმყოფებოდნენ.
ვიზიტი ითვალისწინებდა გერმანიის ჯანდაცვის სისტემის და სამედიცინო დაწესებულებების მუშაობის გაცნობას, რომლის ფარგლებში შეხვედრები გაიმართა დიუსელდორფის საუნივერსიტეტო კლინიკის, ფსიქოსოციალური ჯანმრთელობის აკადემიის, სამედიცინო დახმარების ცენტრ „ადვიტამის", გასტროენტეროლოგიის ინსტიტუტის და დუისბურგის რეაბილიტაციის ცენტრის წამყვან სპეციალისტებთან, მოეწყო პრეზენტაციები და სარეაბილიტაციო ცენტრის მუშაობის სპეციფიკის შესწავლა.
გერმანიის ჯანმრთელობის დაცვის სტრუქტურის, ამბულატორიული და სტაციონარული სამედიცინო მომსახურების, სარეაბილიტაციო ცენტრების დაფინანსების, სამედიცინო ტექნიკისა და დანადგარების შესყიდვის საკითხებზე დისკუსიები გაიმართა გერმანიის განათლებისა და სამეცნიერო ინფორმაციის ცენტრში თერაპევტ ევგენი ფიშინთან, ფსიქოთერაპევტ ალექსანრე პაროვთან და დიაბეტოლოგ ოლგა პავალოცკისთან.
მასალის გამოყენების პირობები