რკინიგზელების გაფიცვას ბათუმის, ოზურგეთის, ლანჩხუთის და ხაშურის რკინიგიზის თანამშროჯმლები შეუერთდნენ. საქართველოს პროფესიული კავშირების გაერთიანების ინფორმაციით, მიუხედავად წუხელ და დღეს დღის განმავლობაში განხორიცელებული ზეწოლისა და დაშინებისა, გაფიცულების მიმართ სოლიდარობის გამოხატვა დაიწყეს სამტრედიელმა რკინიგზელებმა და მათი რიცხვი იზრდება.
„კიდევ ერთხელ, დაბეჯითებით მოვუწოდებთ რკინიგზის ადმინისტრაციას, რომ შრომის კოდექსის მიხედვით, გაფიცვის პერიოდში დამსაქმებელი ვალდებულია განაგრძოს მოლაპარაკებები და შემათანხმებელი პროცედურები პროფკავშირებთან.
მივმართავთ რკინიგზის ადმინისტრაციას ნუ აყენებს გაფიცვის შეწყვეტას მოლაპარაკებების წინაპირობად და ნუ ფუთავს გაფიცვის შეწვეტის მოთხოვნას გაუგებარი ტერმინებით, როგორიცაა "შანტაჟი და დესტრუქცია". გაფიცვა არის მშრომელების კონსტიტუციით გარანტირებული და შრომის საერთაშორისო სტანდარტებით გამყარებული უფლება"- აცხადებენ საქართველოს პროფესიული კავშირების გაერთიანებაში.
პროფკავშირების გაერთიანება აქვე მოუწოდებს საქართველოს შრომის, ჯანმრთელობის და სოციალური დაცვის სამინისტროს - ჩაერთოს მიმდინარე საწარმოო კონფლიქტის გადაჭრაში და დაიცვას რკინიგზელები იმ უკანონო და სამარცხვინო ზეწოლისგან, რომელსაც ახორციელებს რკინიგზის ადმინისტრაციას.
