არასამთავრობო ორგანიზაცია "იდენტობას" აღმასრულებელი დირექტორის, ირაკლი ვაჭარაძის განცხადებით, მიუსაფარ ბავშვთა თავშესაფრის დაარსების თაობაზე საქართველოს საპატრიარქომ დაუზუსტებელი ინფორმაცია გაავრცელა.
როგორც ვაჭარაძემ "ჯი-ეიჩ-ენთან" საუბრისას განმარტა, აღნიშნულ საკითხთან დაკავშირებით საპატრიარქოს მიერ გავრცელებულ განცხადებაში ტერმინი "მიუსაფარი ბავშვთა თავშესაფარი" არაერთხელაა ნახსენები, რაც სრულიად უადგილოა, რადგან არასოდეს არავის უთქვამს, რომ მსგავსი ტიპის დაწსებულების გახსნა იგეგმებოდა.
ვაჭარაძის თქმით, საუბარი იყო თვშესაფარზე, რომელშიც უსახლკარო ოჯახების ზრდასრული წევრები განთავსდებოდნენ და მათ სხვადასხვა დარგის სპეციალისტები რესოციალიზაციისთვის საჭირო ინფორმაციას მიაწვდიდნენ.
"საპატრიარქოს სახელით რაც გაცვრცელდა, უბრალოდ არის ძალიან დიდი ტყუილი, იმიტომ რომ არც ერთი განცხადება არ გაგვიკეთებია, სადაც ითქვა, რომ ეს უნდა ყოფილიყო მიუსაფარ ბავშვთა თავშესაფარი. მიუსაფარ ბავშვთა თავშესაფარს სჭირდება სპეციალური რეგულაცია, ეს ჩემზე კარგად არავინ არ იცის. ეს უნდა ყოფილიყო ოჯახების, ზრდასრულების თავშესაფარი და არავის აღზრდას იქ არ ვაპირებდი. საპატრიარქოს როგორც ჩანს, მეტი არგუმენტი არ აქვს და ასეთ საშინელ ტყუილს კადრულობს ამხელა დაწსებულება, რომ ამბობს 40 სიტყვიან ტექსტში 20-ჯერ იყენებს სიტყვას "მიუსაფარი ბავშვები". არავითარი ბავშშვთა თავშესაფარის დაარსებას არ ვაპირებდით და არ ვაპირებ,"- განუცხადა "ჯი-იჩ-ენს" ირაკლი ვაჭარაძემ და დასძინა, რომ აღნიშნული თავშესაფარის დაარსებასთან არავითარი კავშირი არ აქვს არასამთავრობო ორგანიზაცია "იდენტობას" და მას სხვადასხვა არასამთავრობო ორგანიზაციები ერთობლივი ინიციატივით განახორციელებენ.
ცნობისთვის, საპატრიარქოს მიერ გავრცელებულ განცხადებაში ნათქვამია, რომ არასამთავრობო ორგანიზაცია "იდენტობამ" მიუსაფარ ბავშვთა თავშესაფრის გახსნის ინიციატივა დააყენა და აღნიშნულის განსახორციელებლად სათანადო ფინანსური თუ სხვა ტიპის რესურსების მოძიება დაიწყო.
"არასამთავრობო ორგანიზაცია "იდენტობამ" განაცხადა, რომ აქვს სურვილი და უკვე შემოწირულობების შეგროვებაც დაიწყეს, მიუსაფარი ბავშვებისთვის თავშესაფრის დასაარსებლად. "იდენტობა" ჰომოსექსუალთა და სხვა სქესობრივი უმცირესობების უფლებების დამცველი და მათი აქტიური მხარდამჭერია. ბუნებრივია, იქმნება საშიშროება იმისა, რომ მათი "მზრუნველობის" ქვეშ მოქცეულ არასრულწლოვანებთან ცხოვრების ასეთი წესი იქნას წახალისებული ან, რაც ბავშვთა საყოველთაოდ აღიარებული - პირადი ცხოვრების უფლების - დარღვევას წარმოადგენს. ეს კი მიუღებელია, როგორც ეკლესიისათვის, ასევე მთელი საზოგადოებისათვის. აღვნიშნავთ იმასაც, რომ ჩვენ სრულიად ვუჭერთ მხარს ჯანდაცვის სამინისტროს პოზიციას და მიგვჩნია, რომ მიუსაფარ ბავშვებზე მზრუნველობა უნდა განხორციელდეს სახელმწიფოსთან კოორდინირებით, მოქმედი კანონმდებლობის შესაბამისად და არა მხოლოდ "იდენტობის" შეხედულებისამებრ, დამოუკიდებლად, რადგან ამ შემთხვევაში ბავშვების პირად ცხოვრებაზე და არჩევანზე უარყოფითი ზემოქმედების საფრთხე მეტ-ნაკლებად მოხსნილი იქნება", - ნათქვამია საპატრიარქოს მიერ გავრცელებულ განცხადებაში.